Məxfilik siyasəti
Son yenilənmə: 6 oktyabr 2026
Bu siyasət Flare mobil tətbiqinin hansı məlumatları topladığını, nə üçün topladığını və kimə göstərdiyini izah edir.
Topladığımız məlumatlar
Qeydiyyat zamanı
- E-poçt ünvanı və şifrə — hesaba giriş üçün. Şifrə açıq şəkildə saxlanılmır
- Ad və soyad — qarşı tərəfin kiminlə görüşəcəyini bilməsi üçün
- Telefon nömrəsi — sürücü ilə seyyar usta bir-birinə zəng edir; nömrə yalnız aktiv sifarişin qarşı tərəfinə göstərilir
- Doğum tarixi — yaş həddinin yoxlanması üçün
- Şəhər — xidmətin mövcud olduğu bölgənin müəyyən edilməsi üçün
Avtomobil məlumatları
Marka, model, rəng və dövlət nömrə nişanı. Seyyar ustanın hadisə yerində doğru avtomobili tapması üçündür və yalnız sifarişi qəbul etmiş seyyar ustaya göstərilir.
Yer məlumatı
- Sürücüdən — sifariş yaradılarkən cihazın yeri. Sifariş verilmədən yer saxlanılmır
- Seyyar ustadan — yalnız tətbiqdə «onlayn» rejimə keçdikdə, yaxınlıqdakı sifarişlərin tapılması və sürücüyə hərəkətinin göstərilməsi üçün. Onlayn rejimdən çıxanda yer yenilənmir
Sifariş məlumatları
Xidmət növü, ünvan mətni, sürücünün yazdığı qeyd, əlavə etdiyi şəkil, razılaşdırılmış qiymət, ödəniş üsulu və sifarişin vaxtları.
Qiymətləndirmələr
İş bitdikdən sonra verilən ulduz və rəy mətni. Seyyar ustanın orta reytinqi digər istifadəçilərə görünür; rəyi kimin yazdığı isə yalnız bizə məlumdur.
Bildiriş tokeni
Cihaza push bildiriş göndərmək üçün bir identifikator və platforma adı (Android/iOS). Bu, cihazı tanıyan texniki açardır, şəxsiyyəti deyil.
Toplamadıqlarımız
Həmçinin toplamırıq: ünvan kitabçası, qalereya (sifarişə özün əlavə etdiyin şəkildən başqa), mikrofon, digər tətbiqlərin siyahısı, reklam identifikatorları.
Kim nəyi görür
| Məlumat | Kimə görünür |
|---|---|
| Ad, telefon | Yalnız aktiv sifarişin qarşı tərəfinə |
| Ünvan mətni və qeyd | Yaxınlıqdakı, həmin xidməti göstərən seyyar ustalara |
| Dəqiq koordinatlar | Yalnız sifarişi qəbul etmiş seyyar ustaya |
| Avtomobil məlumatı | Yalnız sifarişi qəbul etmiş seyyar ustaya |
| Seyyar ustanın yeri | Aktiv sifariş zamanı sürücüyə |
| Orta reytinq | Bütün istifadəçilərə |
| E-poçt, doğum tarixi | Heç kimə — yalnız bizə |
Sifariş verilənə qədər yaxınlıqdakı seyyar ustalar yalnız ünvan mətnini, qeydi və öz məsafəsini görür — dəqiq koordinatları yox.
Üçüncü tərəflər
- Supabase — verilənlər bazası və autentifikasiya (məlumatların saxlanması)
- Ödəniş təşkilatı — Azərbaycan Mərkəzi Bankının lisenziyasına malik; kart əməliyyatları onda emal olunur
- Expo / Google (FCM) — push bildirişlərin çatdırılması
- OpenStreetMap — xəritə təsvirləri; xəritəyə baxarkən baxdığın sahə onların serverindən yüklənir
Məlumatları reklam məqsədilə heç kimə satmır və ötürmürük.
Saxlanma müddəti
Hesab məlumatları hesab mövcud olduqca saxlanılır. Sifariş və ödəniş qeydləri qanunvericiliyin tələb etdiyi müddətdə — maliyyə uçotu və mübahisələrin həlli üçün — hesab silindikdən sonra da saxlanıla bilər. Yer məlumatı yalnız aktiv sifarişlə bağlı olduğu müddətdə əhəmiyyət daşıyır.
Hüquqların
- Məlumatlarının surətini tələb edə bilərsən
- Səhv məlumatın düzəldilməsini tələb edə bilərsən
- Hesabının və məlumatlarının silinməsini tələb edə bilərsən — qanunvericiliyin saxlanmasını tələb etdikləri istisna olmaqla
- Yer icazəsini istənilən vaxt cihazın parametrlərindən geri ala bilərsən; bu halda sifariş vermək mümkün olmayacaq, çünki seyyar ustanın hara gələcəyi bilinməyəcək
- Push bildirişləri cihazın parametrlərindən söndürə bilərsən
Müraciət üçün tətbiqdəki dəstək bölməsindən yaz.
Yaş həddi
Tətbiqdən 18 yaşdan yuxarı şəxslər istifadə edə bilər.
Dəyişikliklər
Siyasət dəyişdikdə bu səhifədəki tarix yenilənir. Əhəmiyyətli dəyişikliklər barədə tətbiq daxilində məlumat verilir.